Ваціеціс, Оярс - Паэзія

Оярс Ваціеціс (лат. Ojārs Vācietis, 1933–1983) — выбітны латвійскі паэт і перакладчык, адзін з найбольш значных прадстаўнікоў сучаснай латвійскай літаратуры. Пасьля заканчэньня сярэдняй школы ён вывучаў філялёгію ў Латвійскім унівэрсытэце. З 1958 году працаваў рэдактарам у розных латвійскіх часопісах і газэтах, у тым ліку ў Literatūra un Māksla («Літаратура і мастацтва»), а таксама ў Рыскай кінастудыі і ў выдавецкай галіне.
Ягоныя паэтычныя зборнікі — напрыклад, Tālu ceļu vējš («Вецер далёкіх дарог», 1961) і Elpa («Подых», 1966) — часта закраналі сацыяльныя праблемы і трагічныя падзеі свайго часу, выкрывалі крывадушнасьць і дэмагогію савецкай палітыкі. Паэзія Ваціеціса адзначаецца паэтычнай прамасьцю, інтэнсіўнасьцю і лірызмам, а таксама часам гратэскным адлюстраваньнем грамадзкага жыцьця. Ягоная творчасьць істотна паўплывала на разьвіцьцё латвійскай паэзіі другой паловы ХХ стагодзьдзя.