Крок да Гаморы - Інгэборг Бахман

«Крок да Гаморы» са зборніка “Трыццацты год” (1961) — знакавы фэмінісцкі твор аўстрыйскай пісьменьніцы Інгэборг Бахман (1926 – 1973), які апісвае спробу жанчыны вызваліцца ад «закона» патрыярхальнага шлюбу. Пасьля вечарынкі галоўная гераіня Шарлота перажывае значную сустрэчу з маладой дзяўчынай Марай, што прымушае яе марыць пра ўтапічны сьвет — «Гамору», дзе жанчыны самі вызначаюць свае жаданьні і ідэнтычнасьць па-за кантролем мужчын.